Shqipëria është e rrethuar nga koronavirusi por për fat të mirë në vendin tonë nuk është shënuar asnjë rast.
Vendet fqinje si Italia, Maqedonia e Veriut dhe Greqia, janë prekur tashmë.
Duke qenë se rreziku është i madh, në pikat kufitare janë marrë masat paraprake për parandalimin e virusit.
Personat që kanë ardhur nga vendet e prekura, iu matet menjëherë temperatura.
Të mërkurën ndërkohë është ndaluar një grup klandestinësh afganë në Qafë-Botë.
Duke qenë se një 15-vjeçar kishte temperaturë 38 gradë celcius, iu bë tamponimi.
Më pas të dhënat e marra u dërguan në ISHP dhe po priten rezultatet.
“Njërin që dyshonim që kishte temperaturë 38 ju mor tamponi dhe u dërguar në ISHP dhe presim rezultatet. Kontrollohet çdo person që futet në pikën e Qafë Botës. Shtetas kinezë nuk kanë hyrë, sot kemi pasur dy italianë”, u shprehën mjekët në pikën kufitare të Qafë Botës.
