Lufta kundër narkotikëve ka sfumuar kohët e fundit një prej trafiqeve më të bujshme që përfshin vendin tonë, atë të vjedhjes së makinave luksoze dhe trafikimit në Shqipëri.
Një total prej 352 makinave të vjedhura janë konfiskuar teksa kanë qenë në rrugë për destinacionin e tyre final, si rezultat i një operacioni të mbështetur nga Agjencia e Bashkimit Evropian për Sundim të Ligjit (EUROPOL).
Në kuadër të këtij operacioni janë konfiskuar edhe 1077 pjesë të vjedhura të makinave, bashkë me dhjetëra dokumente të falsifikuara.
Në periudhën 12-24 tetor të këtij viti, është thënë se, janë kryer rreth 44,548 kontrolle të bazave të ndryshme të të dhënave.
Operacioni i kërkimit, që është udhëhequr nga Agjencia Evropiane për Kufij “FRONTEX”, është fokusuar në kontrollet nëpër pikë-kalime kufitare dhe aktivitete tjera tokësore në 17 vende të Bashkimit Europian dhe pesë shtete të rajonit të Ballkanit.
Vendet e përfshira në këtë operacion ka qenë: Kosova, Shqipëria, Mali i Zi, Maqedonia e Veriut, Bosnje-Hercegovina, Bullgaria, Kroacia, Estonia, Franca, Gjermania, Greqia, Hungaria, Italia, Letonia, Lituania, Holanda, Polonia, Portugalia, Rumania, Sllovakia dhe Spanja.
“Në bashkëpunim të ngushtë me industrinë private, përfshirë industrinë e makinave, prodhuesit e anijeve, dhe kompanitë që japin makina me qira, bashkë me të dhënat e EUROPOL-it, zyrtarët për kontrolle kufitare në kufijtë e jashtëm të BE-së kanë parandaluar kontrabandimin e shumë makinave dhe anijeve më tej kufirit”,- është thënë në një komunikatë për media të EUROPOL-it.
Aty është thënë edhe se, aktivitetet e fokusuara në kontrollet e veturave dhe anijeve, kanë rezultuar edhe në kapjen e 2,965 emigrantëve ilegalë në rrugë drejt BE-së, përmes rrugëve tokësore dhe ajrore.
Si pasojë, 17 persona që kanë shërbyer si ndërmjetësues të kontrabandimit të emigratëve janë lokalizuar dhe janë arrestuar.
“Destinacioni i fundit i emigrantëve kanë qenë Gjermania apo Italia. Ndërmjetësuesit kanë transportuar emigrantët përmes rrugëve tokësore, mirëpo edhe përmes anijeve të vogla në Detin Adritatik”,- është thënë mes të tjerash në njoftim.
/Burimi: Rel/Përshtati: GazetaReforma.com/
