Ministrja e Arsimimit, Evis Kushi, ka njoftuar se Këshilli i Ministrave ka aprovuar një program për të ofruar kredi të reja për studentët në vendin tonë. Sipas deklaratave të saj, kredia do të jepet studentëve që nuk kanë përfituar bursë ose nuk janë të përjashtuar nga pagesa e tarifës vjetore.
Kredia do të ofrohet në dy pjesë, dhe llogaritja e saj do të bazohet në tarifën e universitetit, si dhe në një shumë parash që është ekuivalente me pagën minimale. Qëllimi i këtij vendimi është të vijë në ndihmë të studentëve të cilët nuk kanë mundur të përfitojnë ndihmë financiare për studimet e tyre.
“Ne ndër vite kemi ndërmarrë shumë vendime, dhe sot vijmë me kredinë studentore. Çdo student që ndjek studimet në një universitet ka të drejtë të aplikojë për kredi studentore për të financuar studimet e tij, edhe tarifat edhe kostot e jetesës, duke përllogaritur kufirin e pagës minimale. Do të financohet vetëm një program studimi, pra mund të aplikojë ose për bachelor ose për master, dhe institucion përgjegjës do të jetë AKFAL. Kredia do të jetë pa kolateral, jepet me dy këste. Shlyerja, afatet do jenë të përcaktuara, për studentët e bachelor detyrimi do të fillojë re vite pas kontratës dhe për masterin, dy vite pas kontratës. Ata që ndjekin program 5 vjeçar, do të nisë pas 5 vitesh. Studentë do jenë ata që nuk kanë përfituar bursa apo përjashtim nga tarifa”, tha ajo.
