Flamurtari triumfoi bindshëm me rezultatin 3-0 ndaj Vorës dhe ngjitet në vendin e dytë në renditjen e Kategorisë së Parë. Në sfidën e fundit të raundit të tretë të Kategorisë së Parë, kuqezinjtë e drejtuar nga Andrea Agostineli nuk e patën aspak të vështirë përballë ekipit nga Vora, edhe pse miqtë vinin pas dy fitoresh radhazi. Oshafi zhbllokoi ndeshjen në pjesën e parë, ndërsa Ememe dhe Pjeshka shënuan në pjesën e dytë për të vulosur rezultatin përfundimtar në 3-0. Me këtë sukses, Flamurtari ngjitet në vendin e dytë në renditje në kuotën e 6 pikëve, ndërsa Vora zbret në vendin e tretë me po me aq pikë. Në raundin e ardhshëm, Flamurtari do të përballet në një transfertë aspak të lehtë me Kukësin, ndërkohë që Vora do të pres në shtëpi ekipin e Valbonës
“Ku ta gjej faturën se Muçi s’më dha zgjidhje?”Bardha sfidon Ramën pas debatit me inspektorin
“O Muçi, ku ta gjej faturën, e kam mbledhur në mal!” Kjo fjali është bërë simbol i revoltës së tregtares...
