Erald Alimehmeti është i riu që është arrestuar nga Policia në Tiranë dy ditë pas sulmit terrorist që tronditi Vjenën në fillim të muajit Nëntor, ku mbetën të vdekur 4 persona dhe u plagosën 22 të tjerë.
Vetëm dy ditë pasi ndodhën sulmet terroriste në Vjenë, një patrullë policie në Tiranë, ndaloi fillimisht një të ri për mosmbajtjen e maskës mbrojtëse, por pasi ky i fundit i ka kundërshtuar ne dhunë efektivët, policët e kanë shoqëruar në Komisariat dhe pas verifikimeve është zbardhur identiteti i tij.
Bëhet fjalë për Erald Alimehmetin, një emër i njohur për policinë, i cili është vëllai i Sajmir Alimhemetit, shqiptarit të është dënuar me 22 vite burg nga drejtësia në Nju Jork për terrorizëm.
Erald Alimehmeti, në vitin 2015-të ka tentuar të qëllojë me armë zjarri efektivët e komisariatit nr.2.
Në atë kohë vetëm 24-vjeç, Erald Alimehmeti është ndaluar bashkë me dy vëllezërit Genc e Irtan Sejko, pasi po përgatiteshin për të kryer një ngjarje kriminale.
Mësohet se në momentin kur ka ndërhyrë policia, Alimehmeti kishte me vete një çantë shpine, brenda së cilës u gjet një pistoletë me krehër dhe 2 fishekë, si dhe shuma prej 4800 dollarësh.
Teksa dy vëllezërit Sejko debatonin me policët e komisariatit numër 2, Erald Alimehmeti është distancuar dhe ka tentuar të hapë çantën për të nxjerrë armën.
Menjëherë efektivët policisë e kanë pikasur dhe kanë ndërhyrë në kohë, duke shmangur nxjerrjen e armës që mund të përfundonte me pasoja tragjike për ta.
Bëhet me dije gjithashtu, se Antiterrori shqiptar ka marrë nga autoritetet e huaja një listë me 30 persona të dyshuar si të përfshirë në “rryma radikalizuese”, ku pjesë e asaj liste bëhet me dije se është edhe
Erald Alimehmeti./GazetaReforma.com/
