Një ngjarje e rëndë ka ndodhur në Llakatund, ku mësohet se një shtetas nga Kosova, i ka vënë flakën banesës e ish-vjehrrit të tij, ndërkohë që është shkrumbuan dhe shtëpinë e fqinjit të familjes Lufti Fanajt. Autori i zjarrvënës ka qenë në proces ndarje me vajzën e Lutfi Fanajt, me të cilën kishte një fëmijë, ndërsa kërkonte ribashkimin me të.
Autori i ngjarjes ka shkuar ditën e djeshme në banesën e ish-vjehrrit dhe pasi e ka spërkatur atë me benzinë, i ka vënë flakën. Ndërkohë më e rënda është se në banesë në momentin kur i është vënë zjarri kanë qenë dy persona, gjyshja e shtëpisë dhe nipi i saj, (djali nga martesa e parë e ish-gruas së shtetasit kosovar).
Këta të fundit pasi janë dhunuar nga autori i zjarrvënies, kanë tentuar që të shuajnë zjarrin, por në tentativë për ta shuar kanë pësuar djegie, dhe aktualisht ndodhen në spital, jashtë rrezikut për jetën. Nga flakët është djegur totalisht dhe banesa ngjitur, e shtetasit Petrit Izeti. Nuk dihet nëse autori i zjarrëvënies është arrestuar apo jo nga policia.
Gazetari bëri me dije ndër të tjera se familja Fanaj jetonte në kushte të këqija ekonomike, ndërsa banesa në fjalë ishte tejet e amortizuar.
