Inxhinieri Luan Murtaj denoncon meremetimin, që po u bëhet kolonave të banesave pas tërmetit.
Nëpërmjet një reagimi në Facebook ai ka publikuar një foto të shpërndarë nga zv.ministri i Infrastrukturës, Artan Shkreli, dhe shton se kolona është jashtë çdo standardi sizmik.
Sipas inxhinierit meremetimi po bëhet gabim dhe përbën rrezik nëse do ketë lëkundje të tjera sizmike.
“Kjo që po shikoni po trumpetohet si zgjidhje ndaj tërmetit. Kolona është jashtë çdo standardi sizmik. Turp e faqja e zëzë. Zoti pastë mëshirë për të pa fajshmit”, shkruan Myrtaj.
Ai i referohet një fotoj, e cila është shpërndarë më herët nga Shkreli.
Zv.ministri shkruante se ky meremetin është shembulli parë në terren në zonat e dëmtuara nga tërmeti.
“MEREMETIMI… shembulli i pare ne terren (i para dy javeve) se si behet meretimi zinxhir ne objektet e demtuara: konstatim, ekspertim, projekt, nderhyrje. Shkalla e komplesitetit percakton dhe llojin e nderhyrjes… Tani procesi i rikonstruksionit te demtimeve sapo ka filluar te funksionoje sipas nje procedure dhe aktualisht eshte ne fazen e kolaudimit”, shkruan Shkreli në Facebook.
Situata pas tërmetit vijon të mbetet kaotike.
Banorë e Vorës sot denoncuan qeverinë, pasi nuk i ka ndihmuar edhe pse u janë dëmtuar banesat.
