Dita e sotme ka pasur një numër të lartë infektimesh të reja dhe humbje jetë nga COVID-19 në vendin tonë. Një gjë të tillë e kishte paralajmëruar më herë edhe Komiteti Teknik i Eskpertëve në një komunikim me median, duke thënë se rekordet po rriten dhe po infektohen shumë mosha të reja. Nuk ka kaluar pa komentuar edhe infektimi i mjekut Pëllumb Pipero, i cili ishte vaksinuar më herët. Ka qenë Silva Bino ajo që ka foluar për rastin e Piperos pasi është pyetur nga gazetarët.
Bino është shprehur se ndonjëherë mungesa e vëmendjes sjell edhe infektimin duke shtuar se dokotor Pipero punon dhe ka kontakte me shumë njerëz. Mjekja gjithashtu është shprehur se ata që e kanë bërë vaksinën duhet të jenë po njëlloj vigjilent dhe duht t’i zbatojnë masat si gjithmonë.
‘Në lidhje me doktorin dhe kolegun tonë, është një rast infektimi nga Sars COv2, në periudhën kur nuk janë krijuar akoma anti-trupat. Doktori është një person që punon dhe ka kontakte me njerëz.
Ky është një shkak për të thënë dhe ata që e kanë bërë vaksinën nuk do të thotë se duhet të ulin masat e parandalimit, por përkundrazi duhet t’i zbatojnë po njësoj’, tha Bino.
Mjeku Pëllumb Pipero rezultoi pozitiv me koronavirus 14 ditë pasi kishte marrë vaksinën në stadiumin “Air Albania”.
