Ditën e sotme, tryeza e OSBE për Zhvillimin e Medias, ka nisur me një incident.
Katër protestuese të Astirit, janë futur brenda sallës ku po mbahej konferenca me pankarta në duar.
Ato kanë kërkuar largimin e ambasadorit të OSBE, Bernd Borchardt.
Njëzëri vajzat kanë thirrur “Borchardt shame on you”.
Në pankartat që mbanin në dorë shkruhej: ‘Borchardt, shko në shtëpi dhe merre gishtin e tënd të mesit me vete’ dhe ‘Gishti i mesit nuk mund të na japë leksione për lirinë e mediave’.
Ambasadori ndërkohë ka injoruar thirrjet e tyre dhe ka vijuar me rendin e ditës.
‘Shqiptarja.com’ ka mësuar se njëra prej vajzave ishte edhe Enxhi Turtulli, anëtare e forumit të PD.
Kjo e fundit është mjaft aktive dhe në rrjetet sociale, ku shfaqet krah kreut të demokratëve, Lulzim Basha, dhe ish-kryeministrit Sali Berisha.
Gjithashtu ajo ka qenë edhe pjesë e protestave të Astirit.
