Presidenti i vetëshpallur i Çamërisë, Festim Lato, u vra 3 muaj më parë në Holandë.
Trupi i tij u gjet i copëtuar dhe i ndarë në thasë të ndryshëm, në një nga kanalet e Amsterdamit.
Mediat holandeze kan publikuar një video të një takimi të Latos në një restorant, 5 ditë përpara se të vritej.
Ai u shoqërua deri në vendim e takimit, nga një makinë e bardhë “Opel Vivaro”, brenda së cilës ndodheshin një grua dhe tre burra.
Pas takimit Lato është parë i gëzuar, ndërsa hipi në makinën e personit që po bisedonte pak momente më parë.
Ky fakt është i çuditshëm për hetuesit, pasi Lato nuk lëvizte kurrë pa shoqërues.
Personi që ndodhej në mjet është identifikuar nga policia dhe është marrë në pyetje.
Në takim presidenti i vetëshpallur i Çamërisë, u paraqit me kostum blu, një çantë kafe, çanta dhe një orë “Rolex”, objekte këto që nuk janë gjetur në thasët ku ndodhej trupi i tij.
Lato ishte baba i tre fëmijëve, ndërsa shumë herë ishte akuzuar për mashtrim.
Policia nuk ka mundur të zbulojë ende autorët dhe motivin, tashmë kur kanë kaluar 3 muaj nga vrasja.
