Ditën e sotme u ekstradua nga Italia, Kejvi Hysa, i cili akuzohet për vrasjen e pronarit të lavazhit, Edmond Theodhorit, në 2015-ën në Sarandë.
Gjithçka nisi pas një konflikti mes Theodhorit dhe xhaxha e nip, Gani e Kejvi Hysa.
Sipas ‘Dosja,al’, një natë më vonë, së bashku me shokët, Kejvi Hysa e gjetën 30-vjeçarin, në vendin ku kishte ndodhur konflikti.
Ata i rrethuan mejtin dhe filluan ta godisnin me shkopa bejzbolli dhe me qytën e pistoletës.
Më pas njëri prej autorëve iu afrua edhe e qëlloi një herë me armë zjarri, duke i shkaktuar vdekjen.
Që prej 2015-ës, Kejvi Hysa ka qëndruar në arrati.
Ndaj tij ishte vendour masa e sigurisë ‘Arrest me burg”, për “Vrasje me paramendim në bashkëpunim”.
Ndërkohë vëllai i tij më i madh, Kejsi Hysa, i cili mbante edhe identitetet, Eljon dhe Sahit, u ekzekutua vitin e kaluar në Krujë.
Ai njihej si fajdexhi dhe qëndronte në Krujë edhe pse ishte në kërkim.
Prokuroria ka konstatuar gjithashtu se ai shpërndante drogë dhe administronte një lokal të quajtur bar “Nikla”.
Aty ai njohu Hysni Ramën, me cilin kishte krijuar raport shoqëror dhe një marrëdhënie të ngushtë,
Rama ruante banesën e Hysës në këmbim të 100-200 euro.
Mes tyre nisi një konflikt pasi Rama nuk i ruajti dot 50 kg drogë, për të cilat pretendonte se ishin vjedhur.
Hysa kur është vënë në dijeni ka filluar presionet, kërcënimet për vrasje dhe i ka kërkuar 15 mijë euro.
Në takimin që kishin lënë për t’u sqaruar, Rama i thotë Hysës se ka gjetur vetëm 1 milion lekë të vjetra.
Ky i fundit më pas është revoltuar dhe ka nisur të shajë.
Në përleshje e sipër, Hysa ka nxjerrë pistoletën dhe ja ka vënë në kokë.
Pasi ecën pak metra dëgjohet një e shtënë dhe Kejsi Hysa bie në tokë.
Ai u qëllua nga Agron Tufa, një mik i përbashkët i të dyve.
Më pas Hysa me Tufën groposën viktimën dhe shkuan të luanin bilardo.
