Alkond Bengasi, dëshmitari kyç për megagrabitjen në Rinas, është tërhequr nga bashkëpunimi me drejtësinë. I penduari i dosjes penale ndaj 8 të akuzuarve për grabitjen e 9 prillit 19 në Rinas mohon deklarimet e dhëna.
Ai ka informuar gjykatën dhe prokurorinë përmes një shkrese ku pretendon se nuk ka asnjë lidhje me ngjarjen dhe me akuzat.
Mes tij dhe 7 të arrestuarve të tjerë ka pasur përplasje në seancat e zhvilluara vitin e kaluar. I penduari Alkond Bengasi ka treguar skemën dhe rolet e të përfshirëve në grabitje.
Më 9 prill 2019 në Aeroportin e Rinasit u grabitën 4.6 milionë euro nga grupi i Admir Muratajt, i cili u vra disa minuta pas ngjarjes gatë përplasjes me armë me policinë.
Të pandehur për çështjen janë Klement Çala, Eldi Çala, Oltjan Veseli, Renaldo Sula, Saimir Çela, Elton Pikli dhe Alkond Bengasi, të arrestuar dhe Talo Çela, që është në kërkim. I arrestuar ishte edhe Ragip Hajdini ose i njohur me pseudonimin ‘daja’ nga Kosova, por ai ndërroi jetë pak kohë më parë në spital nga një sëmundje.
Akuzat
Klement Çala, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”, “falsifikimi i dokumenteve”.
Eldi Çala, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”, “falsifikimi i dokumenteve”.
Oltjan Veseli, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”, “Prodhimi, mbajtja, blerja apo shitja pa leje e armeve te ftohta”.
Renaldo Sula, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”.
Saimir Çela, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”.
Elton Pikli, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”.
Talo Çela, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”.
Alkond Bengasi, i akuzuar për veprat penale “Vjedhja me armë”, “Mbajtja pa lejë dhe prodhimi i armëve, armëve shpërthyese dhe i municionit”, “Grupi i strukturuar kriminal”, “Kryerja e veprave nga grupi i strukturuar kriminal”.
/Gazetareforma.com/
