Ndërkohë që Faik dhe Shkëlzen Buci kanë dalur ditën e sotme përpara Gjykatës për të pritur vendimin ndaj akuzës se kanë vrarë vajzën dhe motrën e tyre, Eglantina Bucin dhe më pas e kanë varrosur te Mali me Gropa, detaje të reja të rënda kanë dalë në pah.
Detajet e reja janë zbardhur nga dëshmia e të penduarit të drejtësisë, shok me vëllanë e Eglantinës, Shkëzen Bucin, vajzës që u vra nga babai dhe vëllai për çështje nderi.
I penduari i drejtësisë ka treguar detaje rrënqethëse në lidhje me vrasjen e Eglantinës, se si është njohur me Shkëlzenin, babain e tij, Faikun dhe me Eglantinën.
Dëshmitari ka rrëfyer se kur kanë shkuar te vendi i vrasjes në Malin me Gropa, Shkëlzeni e nxori me force Eglantinën nga makina, kurse ajo qante. Më pas sipas të penduarit, i vëllai e qëlloi me një plumb në fytyrë Eglantinën, dhe më pas e qëlloi edhe disa herë të tjera.
“Unë jam mik me Shkëlzeën Bucin, për shkak të miqësisë me të jam njohur me babain dhe motrën e tij. Shkëlzeni më ka treguar se motra ishte larguar nga banesa me fqinjin e tyre, pa miratimin e familjes dhe kishte marrë një shumë të konsiderueshme parash nga familja. Ata më kërkuan të kisha lidhje intime me Eglantinën pasi nuk po e gjenin dot. Në një moment e takova dhe në këtë moment Shkëlzeni u afrua me të motrën për pajtim siç më tha.
Ndodhi një takim në afërsi të Kafes së Rremës, u takua me babain, vëllain, xhaxhain. Bashkë me të ishte dhe i dashuri. Është pirë një kafe pajtimi. Faik Buci i kërko i të fejoheshin zyrtarisht dhe të kishin marrëdhënie familjare.
Shkëlzenit i kisha dhënë një makinë Golf 2, ia kisha dhënë unë në përdorim. Një ditë më merr në makinë mua dhe motrën e tij. Shkëlzeni i tha po të dërgoj të pimë një kafe. Kur devijuam për nga Mali me Gropa ajo e kuptoi dhe filloi të qante i tha do martohen me këdo person që doni ju vetëm mos më bëj asgjë të keqe. Ai nuk foli. Kur arritëm tek vendi që e vrau e nxori me forcë nga makina, ajo qante. Ai e qëlloi me një plumb në fytyrë, pastaj edhe disa të tjera. Unë shtanga e kam mbajt brenda vetes këtë barrë se ajo bërtiti dhe kërkonte ndihmë.
Pasi e vrau motrën telefonoi të atin dhe i tha: Puna u krye!
Kur e mori vesh që isha unë me të në makinë Faiku kërkoi të më takonte. Më kërcënoi, më tha që do të hakmerren me mua nëse flas. Tani unë jam në burg dhe nuk mund ta mbaja këtë peshë”,- ka rrëfyer i penduari i ngjarjes.
