Pak ditë më parë qarkulloi lajmi se Edi Rama i ka kërkuar Vangjel Tavos të marrë drejtimin e bashkisë Himarë.
Lidhur me këtë pretendim, ka folur vetë Vangjel Tavo, i cili ka hedhur poshtë pretendimet e mediave greke, se kryeministri i ka kërkuar që të marrë drejtimin e bashkisë Himarë.
Për News24, ai u shpreh se nuk ka asgjë të vërtetë në lajmet greke, madje u shpreh se nuk ka më asnjë dëshirë të angazhohet politikisht.
“Nuk ka asgjë të vërtetë në lajmet greke. S’kam asnjë dëshirë të angazhohem në politikë”, është shprehur ai.
Disa mediat greke kanë shkruar se kryeministri shqiptar, Edi Rama ka takuar Vangjel Tavon dhe se i ka kërkuar këtij të fundit të drejtojë bashkinë e Himarës.
Kujtojmë se kryebashkiaku i zgjedhur i Himarës, nga zgjedhjet lokale të 14 majit, Fredi Beleri, ndodhet në burg, pasi akuzohet për blerje votash.
