Jo vetëm deklarata e hoxhës në Luginën e Preshevës, por edhe duartrokitjet e publikut pas fjalës së tij, janë shqetësuese!
“S’jam shqiptar, jam mysliman, njësoj si ju që jeni këtu. Kurani thotë se të gjithë jemi myslimanë, shqiptar apo boshnjakë qofshim. Bosnjëzimi i Luginës së Preshevës, jo janë gabuar! Ne po bëjmë islamizimin e Sanxhakut, Bosnjës, Kosovës, Preshevës dhe Ballkanit. Ky është qëllimi ynë. Kush është kundër Medresesë, është kundër islamit dhe myslimanëve. Tani më lejoni me bo pak boshjakizimin e Luginës së Preshevës, në gjuhën boshnjake”- shprehet ai.
Kujtojmë se situata vazhdon të jetë e tensionuar në Preshevë, ndërsa protesta e ardhshme e shqiptarëve është paralajmëruar më 23 shtator.
Pasivizimi i adresave, një praktikë që ka “zhdukur” administrativisht mijëra shqiptarë nga regjistrat zyrtarë, vazhdon të jetë në qendër të pakënaqësisë.
Njohja e diplomave të Universitetit të Prishtinës mbetet gjithashtu një çështje kritike. Mijëra të rinj shqiptarë të Luginës, të diplomuar në Kosovë, kthehen në shtëpi vetëm për të zbuluar se diplomat e tyre janë të pavlefshme në Serbi, duke i lënë ata të bllokuar mes ëndrrave të tyre profesionale dhe realitetit të hidhur ekonomik. Lexo këtu
View this post on Instagram
