“Hotelet ishin plot”, Rama tha se turizmi lulëzoi, por e vërteta flet ndryshe

Ndërsa pandemia globale vijon akoma pas një viti të reflektojë probleme në disa sektorë të ekonomisë, sektori që duket se po vuan më shumë këtë situatë të pazakontë është ai i turizmit.

Por për kryeministrin, realiteti është krej ndryshe. Sipas tij, turizmi i këtij viti ishte i sukseshëm, duke dhënë kështu një argument se “shqiptarët mbushën hotelet”.

“Dje isha me një operator turistik dhe jashtë kamerave më konfirmoi atë që unë di, që sezoni i kaluar nuk ishte me humbje. E ka ndihmuar shumë sektorin ka qenë që shumë nga shqiptarët që janë mësuar të shkojnë në Itali, Spanjë, Greqi e Turqi, njohën Shqipërinë. Një pjesë njihnin Tiranë, Durrës, maksimumi deri në Vlorë..”, ka deklaruar sot Rama nga qyteti i Vlorës.

Por duke iu referuar shifrave të publikuara nga INSTAT për vitin 2019, rreth 4 milionë turistë të huaj vijnë çdo vit në Shqipëri, kryesisht në stinën e verës. Gjithashtu gati 40 % e pushuesve  gjatë verës janë kosovar. Këto shifra janë të mjaftueshme për të kuptuar se burimi kryesor i të ardhurave  në  në turizëm janë të huajt dhe jo shqiptarët.

Pavarësisht problemeve që solli pandemia, duke nisur nga pengesa  në transport e deri në bllokimin e vendit, një dëm të madh shktoi dhe tërmeti i 2019, prej të cilit akoma kjo industri ende sot nuk ka marrë veten.

Shoqata e operatorëve Turistik shqiptarë vazhdimisht ka shprehur shqetësimin për krizën e rëndë që pandemia ka krijuar në turizëm. Sipas shifrave që kanë raportuar, rreth 70% e punonëjsve janë pushuar nga puna dhe se 50 % e biznesve janë mbyllur.

“Biznesi i turizmit në Shqipëri është goditur shumë dhe pasojat do të jenë shumë më të rënda. Rreth 70% e punonjësve largim të punonjëse të këtij sektori, janë mbyllur rreth 50% e bizneseve në turizëm, kanë dorëzuar mjediset e tyre. Nuk  bëhet fjalë për aktivitet turizmi në një situatë pandemie”, është shprehur Besnik Vathi, kryetar i Shoqatës

Por për kryeministrin  këto shifra nuk janë të vërteta. I “zënë ngusht” në kohë fushate, po tenton me çdo mënyrë të vazhdojë me proagandën, armën kryesore të kësaj qeverie, e të mashtrojë sa më shumë persona, me qëllimin e vetëm, fitoren e një mandati të tretë.