Gjykata e Pogradecit ka shpallur ditën e sotme moskompetencën për gjykimin e Anterio Kaloshit, i cili qëlloi disa herë me armë në drejtim të hotel “Volorekës” në Tushemisht të Pogradecit.
Mësohet se gjykimi i Kaloshit tani do të bëhet nga Gjykata e Posaçme e Shkallës së Parë për Korrupsionin dhe Krimin e Organizuar, (GJKKO).
Për sulmin me armë në hotelin “Voloreka” në Tushemisht kanë përfunduar në pranga shtetasit: Anterio Kaloshi, Meard Berberi, Ervin Kalaja, Ilir Berberi, Ilir Meçolli, Ardian Xhuti, Elvir Haxhia dhe Mariglen Topuzi.
Autorët dyshohet se nuk kanë dashur që pronari i hotelit Jetmir Mucollari të dëshmonte kundër tyre, në një seancë gjyqësore në ngarkim që e kishin. Po ashtu, dyshohet se autorët mund të donin të vrisnin djalin e pronarit.Të arrestuarit kanë qëlluar në drejtim të godinës së hotelit, ku pati fatmirësisht vetëm dëme materiale dhe jo në njerëz.
Një ditë më parë gjykata e Korcës dha masën “arrest me burg” për 40 ditë për shtetasit Ilir Mecolli, Ardian Xhuti dhe Elvir Haxhia, të dyshuar se janë përfshirë në sulmin e hotelit.
