Gjatë fundiavës u aludua se një video gjysmë-erotike e një moderatoreje të njohur kishte dalë nga Prokuroria e Posaçme. Ndërkohë që gazetari Eni Ferhati deklaroi në një intervistë, se është shumë e vështirë që videoja që u pretendua se kishte dalë nga një telefoni i një personi që është nën hetim nga SPAK, të ketë dalë nga zyrat e Prokurorisë së Posaçme.
Ndër të tjera ai tha se e gjithë mund të jetë strategji për të ulur, apo për të zvogëluar rëndësinë e punës së SPAK-ut. Gjithashtu ai tregoi kur gazetarët shkojnë në SPAK për takimet me kryeprokurorin Dumani, në kat të dytë ku është laboratori digjital, atyre nuk u lejohet as të kthejnë kokën, por shoqërohen nga rojet.
“Ky mund të ishte një informacion për të hedhur poshtë punën e SPAK-ut, shiko me çfarë merret Prokuroria e Posaçme, e godet në atë formë që besoj se krijon goxha impakt. U pretendua se kjo video doli nga SPAK-u aty në kat të dytë ka një laborator digjital të SPAK-ut që ne nuk kemi arritur ta shikojmë se si është. Ne kur futemi, rojet na thonë mbajeni kokën drejt. Ndaj duhet të jemi serioz e të kemi kujdes nga etja për klikime apo për të qenë në qendër të vëmendjes se edhe mund të përdoren nga gazetarë të ndryshëm”, u shpreh Eni Ferhati.
