Gazetari Erjon Skëndaj, ka deklaruar në një lidhje “live” ditën e sotme se në vendin tonë kanë humbur jetën edhe dy persona nga koronavirusi, por nuk janë deklaruar nga Ministria e Shëndetësisë.
Kjo e fundit, sipas gazetarit, nuk i ka llogaritur këto vdekje si pasojë e koronavirusit, pasi kur janë transferuar nga Infektivi te Urgjenca e QSUT-së, të ndjerit rezultuan negativë ndaj testit.
Sipas gazetarit, viktimat janë një polic rreth 50-vjeç, i quajtur Valmir dhe një grua 80-vjeçare me insuficensë respiratore.
Ai ka theksuar se, ndonëse viktimat kanë qëndruar mbi 10 ditë tek Infektivi si raste të konfirmuara të koronavirusit, ata janë nxjerrë nga spitali, kur testi ndaj tyre rezultoi negativ, për t’u transferuar në reanimacionin qendror në QSUT.
Nga ana tjetër, Ministria e Shëndetësisë reagoi për rastin, duke konfirmuar që nuk kishte asnjë rast të ri vdekjeje nga COVID 19 në vendin tonë.
