Flamurtari-Kamza ishte një nga ndeshjet e shumëpritura, mirëpo kamzalinjtë dolën të humbur dhe kjo ka shkaktuar jo pak mërzitje tek tifozët dhe skuadra. Megjthatë trajneri i Kamzës, Ernest Gjoka ka thënë për “Supersport” çfarë shkoi keq dhe ku gabuan dhe humbën ndeshjen.
“Mërzitem shumë. E kishim përgatitur ndeshjen për të mos dalë pa pikë nga Vlora. E pësuam nga 1 gabim që bëmë. Ne gjithë kohës jemi në test. Atë që e kam thënë e kam thënë për idenë e rritjes morale. Si për lojtarët dhe ne të stafit. Skuadra nga java në javë, po mundohet të prodhojë diçka. Kishim përballë një ekip cilësor si Flamurtari. Jam i kënaqur me çunat. Nuk arritëm dot të merrnim atë që kishim në plan”, është shprehur Gjoka.
Ndërkohë trajneri i Kamzës ka thënë gjithashtu se lufta do të jetë e fortë dhe e gjatë, megjithatë në qoftë se arrijnë të jenë të përgjegjshëm dhe t’I japin vetes dinjitet, mendojnë se do të arrijnë që të shpëtojnë në fund.
“Kemi nevojë për shumë pikë. Çdo gjë në momentin e duhur. Mendoj që kemi nevojë shumë për merkato. Duhet me patjetër të kemi alternative. Sot qëlloi të ishim pa 2 qendërmbrojtës. Dobësuam mesfushën për t’i dhënë mundësi mbrojtës. Po të kishim alternative, Arrabal do të kishte dhënë 200% në mesfushë”, tha trajneri.
