Agjencia e Bashkimit Evropian për Azilin ka publikuar analizën vjetore për kërkesat e azilit për vitin 2024.
Sipas të dhënave, numri i aplikimeve për azil në Bashkimin Evropian, Norvegji dhe Zvicër ra me rreth 11% gjatë vitit të kaluar, duke arritur në 1,01 milion kërkesa, një rënie e lehtë krahasuar me 1,14 milion aplikime në vitin 2023.
Sirianët vazhduan të ishin grupi më i madh që kërkoi mbrojtje, megjithatë aplikimet nga ky grup ishin më të pakta se vitin e kaluar.
Pavarësisht rënies së përgjithshme, Gjermania mbeti vendi që pranoi më së shumti aplikime, me 237,000 kërkesa, që përbënin 23% të totalit të aplikimeve. Gati një e treta e aplikimeve në Gjermani ishin nga shtetasit sirianë, pasuar nga shtetasit afganë dhe turq.
Qiproja dhe Greqia ishin vendet që morën më shumë aplikime për frymë.
Në fund të vitit 2024, numri i përfituesve të mbrojtjes përkohshme në 27 vendet anëtare të BE-së, si dhe në Norvegji dhe Zvicër, arriti në rreth 4,4 milion, shumica e të cilëve ishin shtetas nga Ukraina, të larguar pas pushtimit rus.
Gjysma e tyre u pritën në Gjermani dhe Poloni, ndërsa Republika Çeke kishte më shumë përfitues për frymë.
