Ekzekutimi i avokatit Gurra padyshim ka qenë një tronditje e rëndë për sistemin dhe pikërisht për këtë arsye ka reaguar edhe Dhoma e Avokatisë.
duke shprehur tronditje, shqetësim dhe indinjatë të thellë ata kërkojnë nga organet ligjzbatuese t’i japin përparësi gjetjes dhe vënies para përgjegjësisë së autorëve.
Ky organ shprehet se kjo duhet të ndodhë sa më shpejt se çdo ditë e më shumë është duke u bërë prezent kërcënimi i jetës dhe shëndetit të avokatëve.
“Dhoma e Avokatisë të Shqipërisë, nëpërmjet mediave u vu në dijeni të vrasjes me armë zjarri të Avokat Ravik Gurra, anëtar i Dhomës të Avokatisë Tiranë. Jemi të tronditur thellë nga kjo ngjarje, me shqetësim dhe indinjatë të thellë ju kërkon organeve ligjzbatuese duke i dhënë përparësi gjetjes dhe vënies para përgjegjësisë të autoreve të kësaj vepre e cila vjen e behët çdo ditë më prezente në kërcënim të jetës dhe shëndetit ndaj avokatëve, veprime që kanë marrë përshkallëzim në rritje ndaj profesionit sa të nderuar aq edhe fisnik të avokatit. Për Dhomën e Avokatëve të Shqipërisë, Prof. Dr. Maksim HAXHIA”, thuhet në reagim.
Avokati Ravik Gurra u ekzekutua mbrëmjen e sotme në orën 19:15 në një lokal në qendër të qytetit të Elbasanit. Gurra ka qenë avokati i disa prej çështjeve më të nxehta, konkretisht në atë të Emiljano Shullazit etj.
