Ekzekutimi i mbrëmshëm ku mbeti i vrarë avokati Ravit Gurra, padyshim që ka qenë një nga ngjarjet më të rënda që ka prekur vendin e njëkohësisht kanë vendosur në lëvizje Policinë e Elbasanit.
Ditën e sotme policia ka shoqëruar në komisariat 30 pjesëtarë të familjes Çela, të cilët janë të dyshuarit e parë për atentatin.
Ende nuk ka një deklaratë zyrtare ku të shpjegohet saktësisht cila është arsyeja pse gjithë këta të shoqëruar nga kjo familje, megjithatë jemi në pritje të një konfirmimi të saktë dhe të plotë.
Megjithatë nëse kthehemi pas në kohë, familja Çapja, avokati mbrojtës i së cilës ka qenë viktima Ravit Gurra, ka pasur konflikt të përgjakshëm me familjen Çela, konflikt ky i nisur 10 vite më parë, ku kanë mbetur të vdekur shumë familjarë nga të dyja fiset.
Por përse duhet të hakmerreshin ndaj avokatit duke qenë se ky i fundit nuk ka pasur lidhje farefisnore, por thjesht miqësore me familjen Çapja?
Për një përgjigje të plotë jemi në pritje të një deklaratë zyrtare nga Policia e Elbasanit.
