Agjencia e Mbikëqyrjes Policore (Rajoni Elbasan-Korçë) ka ndaluar inspektorin e policisë J. R., Oficer i Patrullës së Përgjithshme në Komisariatin e Korçës, i cili akuzohet për disa shkelje të rënda ligjore.
Ngjarja ka ndodhur më 3 mars 2025, kur J. R., duke drejtuar mjetin e tij në aksin Hoçisht-Bilisht, u përfshi në një aksident ku mbeti i plagosur shtetasi D. Gj.
Në vend që të ndihmonte të lënduarin dhe të njoftonte autoritetet, ai u largua nga vendi i ngjarjes.
Për pasojë, D. Gj. u transportua për trajtim mjekësor në Spitalin e Traumës në Tiranë.
Ndërkohë, AMP ka nisur hetimet për të vërtetuar rrethanat e plota të incidentit dhe për të vendosur përgjegjësitë ligjore të punonjësit të policisë.
