Ditën e sotme Agjencia e Mbykëqyrjes Policore (AMP) ka nisur hetimet për 4 efektivët e policisë të cilët u morën me çështjen e dhunimit të 3-vjeçares nga edukatorja Majlinda Dehima.
Për 3 efektivët e pezulluar nga Policia, Rustem Dervishi, Ylli Çako dhe Ergys Brahimaj, gjithashtu edhe për një tjetër efektiv i cili ditën e denoncimit ka qenë në krye të detyrës, tashmë ka nisur hetimi. Të katërt këta shtetas janë vënë nën akuzë për shpërdorim detyre dhe gjatë marrjes në pyetje kanë pranuar se kanë neglizhuar çështjen, duke thënë se do të vijonin hetimin ditën e nesërme.
Gjithashtu AMP dyshon se këta efektivë nuk kanë kontrolluar dokumentacionin e Kopshit “4 Stinët”, i cili më vonë rezultoi se nuk ishte i pajisur me licensë.
