Një ngjarje tepër e rëndë ka ndodhur ditën e djeshme në qytetin e Gjilanit në Kosovë, kanë raportuar mediat kosovare.
Zëdhënësja e Prokurorisë së Gjilanit, Liridona Xheladini, ka njoftuar se ditën e djeshme në një motel të Gjilanit një vajzë e mitur 15-vjeçare me probleme mendore është dhunuar seksualisht nga tre adoleshentë.
Sipas njoftimit, tre adoleshentët e identifikuar si A.SH. 19-vjeç, Q.P. 19-vjeç dhe E.C. 17-vjeç, janë arrestuar dhe u është caktuar masa e paraburgimit në afat prej 30 ditësh.
Sipas burimeve 3 të dyshuarit janë nga Mitrovica, Vushtrria dhe Drenasi./GazetaReforma.com/
Deklarata e plotë:
“Referuar pyetjeve tuaja, ju njoftojmë se për këtë rast më 22 Tetor 2020, janë ndaluar tre persona, pasi dyshohen se kanë kryer veprën penale ‘’Dhunimi’’.
Ndaj të dyshuarve A.SH. (2001), Q.P. (2001) dhe E.C. (2003) prokurori i rastit, sot ka kërkuar caktimin e masës së paraburgimit, në afat prej 30 ditësh, për shkak të dyshimit të bazuar se në një motel në Gjilan, të njëjtit e kanë detyruar të dëmtuarën e mitur, të moshës 15 vjeçare, të kryente marrëdhënie seksuale pa dëshirën e saj.
Kushdo që detyron personin tjetër për të kryer akt seksual pa pëlqimin e personit të tillë, dënohet me burgim prej dy deri në dhjetë vjet”, thuhet në njoftimin e Policisë së Gjilanit në Kosovë.
