Një e moshuar u gjet e mbytur mëngjesin e sotëm poshtë urës së Babrroit në Tiranë.
Policia bën me dije se viktima është një 75-vjeçare me iniciale A.B.
Vdekja dyshohet të jetë aksidentale, pasi mbi trupin e saj nuk janë gjetur shenja dhune.
Grupi hetimor ka nisur punën për zbardhjen e plotë të rrethanave të ngjarjes.
“Me datë 14.03.2020, rreth orës 10:45, në Lumë, poshtë Urës së Babrroit është gjetur e mbytur shtetesja A.B., rreth moshës 75 vjeçe. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku nga këqyrja paraprake nuk konstatohen shenja dhune dhe paraprakisht dyshohet se është mbytur aksidentalisht”, njofton policia.
