Regjistrohet rasti i tretë me koronavirus në Kosovë

Google+ Pinterest LinkedIn Tumblr +

Ka shkuar në 3 numri i të prekurve nga koronavirusi në Kosovë.

Rasti i fundit është familjari i 77-vjeçarit nga Vitia, i cili u konfirmua pozitiv ditën e djeshme.

Nisur nga kjo situatë, qeveria kosovare ka ndaluar hyrje-daljet në komunat Viti dhe Klinë.

Dy rastet e para me koronavirus në Kosovë u regjistruan ditën e djeshme.

Ata ishin një 20-vjeçarare me nënshtetësi italiane dhe 77-vjeçari nga Vitia.

Në mbledhjen e qeverisë së Kosovës këtë të mërkurë u vendos mbyllja e institucioneve arsimore deri më 27 mars.

Njëkohësisht u pezulluan përkohësisht linjat ajrore dhe tokësore, ndërsa u pezulluan të gjitha aktivitetet publike dhe transporti urban.

Që prej 16 marsit në Kosovë do të mbyllen të gjitha lokalet, baret dhe qendrat tregtare, ku përjashtim do të bëjnë vetëm dyqanet ushqimore dhe farmacitë.

Qeveria ka vendosur të reduktojë stafin në administratën publike, duke i urdhëruar që të organizojnë punonjësit që të punojnë nga shtëpia.

Shqipëria që prej ditës së sotme ka mbyllur kufirin me Kosovën, për të parandaluar përhapjen e koronavirusit.

Në vendin tonë aktualisht janë shënuar 38 raste me koronavirus dhe një viktimë.

Shpërndaje
Share.

Komento