Dy të prekurit nga COVID-19 në Mirditë, janë punonjës në spitalin e Rrëshenit.
Sipas “Dosja.al”, për fat të mirë, asnjë person nga stafi mjekësor nuk është i infektuar.
Ata i janë nënshtruar analizave dhe për fat të mirë kanë rezultuar nëgativ.
Ndërkohë gjatë ditës së djeshme, në mesin e të infektuarve, ishin edhe tre kryeinfermierë të spitalit Infektiv.
Ata janë shtruar në pavion dhe po u jepet ndihma mjekësore nga kolegët e tyre.
Gjithashtu u prek nga COVID-19 edhe mjeku Dhimitër Kraja, i cili u kthye pas 48 vitesh për të kuruar pacientët.
Aktualisht numri i të prekurve nga koronavirusi ka shkuar në 259, në mesin e të cilëve 67 të shëruar dhe 15 viktima.
Në spitalin Infektiv janë shtruar 79 persona, 7 prej të cilëve në terapi intensive, ku 4 janë intubuar.
Pjesa tjetër ndodhen në pavion, në gjendje të stabilizuar shëndetësore.
Qyteti me numrin më të madh të të prekurve është Tirana me 140 , e ndjekur nga Durrësi me 29 dhe Fieri me 23.
