Ditën e sotme gazetari Klodian Tomorri, ka reaguar në lidhje me ngjarjen e djeshme ku një sasi kokaine u kap në portin e Durrësit, ndërkohë që kontejneri me sasinë e drogës kishte rezultuar i pastër pas skanimit, pasi Banaking nuk lë “gjurmë”.
Me anë të një postimi në Facebook, Tomorri zbulon skandalin ku tregon se shqiptarët paguajnë çdo vit më shumë se 14 mln euro në vit vetëm për koncesionin e skanimeve në kufij, që në këtë rast dhe shumë të tjera kanë rezultuar jo funksionalë, pasi kanë nxjerrë të pastër kontejnerë me drogë.
Gjithashtu Tomorri ka “zbërthyer” edhe zinxhirin me anë të të cilave sipas tij bëhet shkarkimi i parave, duke përmendur se një kompani me vetëm 4 punonjës, pronarin, një inxhinier dhe 2 ekonomiste, paguhen 3 mln euro për mirëmbajtjen e skanerëve, ndërkohë që tre prej tyre nuk kanë asnjë lidhje me proceset teknike të mirëmbajtjes.
Postimi i plotë
Skanimi, dyshimet uleritese te nje korrupsioni
1-Qytetaret shqiptare paguajne 14.2 milione euro ne vit per koncesionin e skanimit per te siguruar kufijte. Se sa te sigurte jane kufijte e Shqiperise e tregojne arkat e bananeve te BanaKingut, qe skaneri i nxjerr gjithmone te pastra.
2-S2 Albania, kompania qe ka koncesionin e skanimit zoterohet 51 per qind nga Rapiscan Systems dhe 49 per qind nga shqiptarja ICMS. Vitin e kaluar S2 albania raportoi 1.2 milione euro fitim neto pas taksave. Por fitimi real eshte shume me i madh se kaq.
3-Cdo vit S2 Albania transferon 3 milione euro tek kompania ICMS. S2 ja transferon parate ICMS-se si nenkontraktim per kryerjen e sherbimeve dhe mirembajtjen e pikave te skanimit.
4-ICMS ka vetem 4 punetore. Pronarin Olti Pecini, 2 ekonomiste dhe nje inxhinier elektrik. Pra me vetem 4 punetore, 3 prej te cileve skane asnje lidhje me sherbimin e skanimit, ICMS faturon 3 milione euro ne vit nga S2 Albania per mirembajtjen e pikave te skanimit.
5-ICMS nuk ka asnje qindarke tjeter te ardhura vec atyre qe merr nga S2 Albania. ICMS eshte krijuar dhe sherben thjesht dhe vetem per te nxjerre 3 milione euro ne vit jashte koncesionit te skanimit. Pompe shkarkuese.
6-Ne vitin 2013 ICMS bleu 49 per qind te aksioneve te koncesionit te skanimit, nje biznesi me vlere te pakten 200 milione dollare, per vetem 4 mije e 500 leke te vjetra shqiptare. Kontrata e shitjes iu mbajt e fshehte aksionereve te Rapiscan (OSI System) ne SHBA.
