Frika se mos qytetarët amerikanë refuzojnë masivisht të bëjnë vaksinën anti-Covid, ka detyruar kompanitë farmaceutike të bëjnë bashkë tre ish-presidentët e fundit amerikanë, që të sensibilizojnë popullin.
Barack Obama, Bill Clinton dhe George W. Bush, janë tre ish-presidentët amerikan që kanë pranuar të bëjnë vaksinën anti-Covid, live, në sy të publikut për ta promovuar atë.
Ata e kanë bërë të ditur këtë gjë me anë të sekretarëve të tyre përveç Obamës, i cili në një intervistë për mediat u shpreh se, ka besim në fjalët e Anthony Fauçit dhe se, do ta bëj këtë vaksinë në praninë e mediave në mënyrë që njerëzit të shikojnë se ai i beson kësaj shkence.
“Unë mund ta marr vaksinën në TV, ose ta filmojë momentin e vaksinimin që njerëzit të shikojnë, se unë i besoj kësaj shkence”,- deklaroi ish-presidenti Obama.
Ndërsa për Bush dhe Clinton, folën krerët e stafeve të tyre, ku thanë se, ish- presidentët kanë komunikuar me epidemiologun Fauçi dhe kanë shprehur vullnetin tyre për të bërë vaksinën live, në mënyrë që ta promovojnë atë.
Freddy Ford, kreu i stafit të Bush, deklaroi për CNN se, presidenti i 43-të, kishte kontaktuar Dr. Anthony Fauci, drejtori i “Institutit Kombëtar të Alergjisë dhe Sëmundjeve Infektive” dhe eksperti kryesor i sëmundjeve infektive të vendit, dhe Dr. koordinator i përgjigjes për koronavirusin në Shtëpinë e Bardhë, për të ofruar kontributin e tij në promovimin e vaksinës.
Nga ana tjetër, sekretari i shtypit u shpreh se, edhe ai ishte i gatshëm ta merrte vaksinën në një mjedis të hapur, për ta promovuar atë, duke rritur në këtë mënyrë edhe besimin e qytetarëve.
Sakaq, tre ish-presidentët, shpresojnë që kjo të shihet si një fushatë ndërgjegjësimi, për të promovuar besimin në sigurinë dhe efektivitetin e saj.
/Burimi: CNN/ GazetaReforma.com/
