Sekretarja e Portugalisë për Çështjet e Evropës, Ana Paula Zacarias ka deklaruar në Këshillin e Përgjithshëm për Çështjet e Bashkimit Evropian se po punohet për një zgjidhje të përbashkët në BE për Shqipërinë e Maqedoninë e Veriut.
Portugalia drejton aktualisht Presidencën e Bashkimit Evropian, teksa Zacarias thotë se do të vijojë debati për konferencën ndërqeveritare për dy vendet, nëse do të ketë ose jo një të tillë.
Ajo thotë se në qendër të procesit të anëtarësimit është shteti ligjor. Gjithashtu ajo ka shtuar se do e marrin çështjen në konsideratë kur të analizohet i gjithë procesi. Ajo ka shtuar se do i duhet të përforcojë këtë mesazh, që shteti i së drejtës është thelbësor.
“Ne diskutuam për Maqedoninë e Veriut dhe Shqipërinë, çështjen e anëtarësimit. Por përpiqemi për një zgjidhje të përbashkët, që dy vendet të nisin procesin e anëtarësimit. Çfarë mund të them në këtë pikë, shteti ligjor është në qendër të procesit. Në procesin e angazhimit për afrimin drejt BE.
Kjo është në qendër të metodologjisë së re, ky është thelbësor. Do e marrim në konsideratë kur të analizojmë gjithë procesin. Shpresojmë se do vazhdojmë diskutimet e debatet, për të parë nëse do të kemi konferencë ndërqeveritare për dy vendet. Por në të vërtet më duhet të përforcoj këtë mesazh, që shteti i së drejtës është thelbësor. “- tha Zacarias.
