Mbrëmjen e djeshme, është djegur pjesërisht në Elbasan, makina e biznesmenit Elis Bahushi.
Makina e tipit ‘Porsche’, me targë AA 007 NG, është përfshirë nga flakët.
Ajo ishte e parkuar në lagjen ’28 Nëntori’, në qytetin e Elbasanit.
Mjeti ka pësuar dëmtime vetëm në anën e djathtë. Dyshimet e para janë për një zjarrvënie të qëllimshme.
Pronari i mjetit është Elis Bahushi, një emër i njohur për policinë
Në 22 tetor të 2018, ai ishte një nga të arrestuarit për laboratorin e përpunimit të heroinës në Has.
Përgjimet zbuluan se ai ishte i lidhur me grupin e Avdylajve nga Shijaku.
Dyshohet se, Bahushi ka pasur rolin e transportuesit të lëndës narkotike dhe përbërësve të saj nga Turqia drejt vendit tonë.
Gjithashtu, OFL i ka kërkuar më 18 gusht Bahushit deklarimin e pasurisë. Më herët ai është dënuar për veprat penale “Prodhimi dhe shitja e narkotikëve” dhe “Pastrimi i produkteve të veprës penale”.
Elis Bahushi është tregtar i metrazheve dhe një prej biznesmenëve të njohur në Elbasan, pronar i një kompleksi gjigant bar dhe restorant në lagjen “28 nëntori” dhe i disa dyqaneve në lagjen “Hekurudha”. Sakaq, ai ka në pronësi një sërë makinash luksoze.
