Është plagosur në këmbë me armë zjarri nga një i “panjohur”, por kur ka shkuar në spital nuk ka pranuar të japë detaje për Policinë e Tiranës, duke mos bashkëpunuar me ta.
Zbardhet emri dhe detaje nga plagosja me armë e një 31-vjeçari, një natë më parë në Tiranë. Ai është Leo Hera, 31 vjeç, nga Laçi. Plagosja ndodhi mesnatën që lamë pas.
Hera u paraqit tek spitali i Traumës, me një plagë me armë zjarri në këmbë dhe ka marrë ndihmën e nevojshme mjekësore. Ai është pyetur nga Policia e Tiranës, por nuk ka pranuar të bashkëpunojë.
Hera nuk ka treguar as mënyrën se si është plagosur, vendin, apo ndonjë detaj që mund të ndihmojë grupin hetimor në zbardhjen e ngjarjes. Pritet të merret sërish në pyetje.
Por policia e Tiranës ka vijuar më tej hetimet mbi këtë ngjarje, në lidhje me plagosjen e ndodhur një natë më parë në rrugën “Don Bosko”.
Sipas njoftimit nga Policia e Tiranës, mësohet se 31-vjeçari Leo Hera, ka treguar vetëm se është plagosur në zonën e “Don Boskos”.
Ai nuk ka pranuar të flasë më tej për grupin hetimor, duke shtuar se, është plagosur nga një person që nuk e njeh. “Nuk e njoh atë që më plagosi. Isha në Don Bosko”,- mësohet të ketë thënë ai.
Njoftimi i policisë Tiranë: Informacion paraprak.
“Me datë 02.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën. 31-vjeçari ka kallzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes.
Hera u paraqit tek spitali i Traumës, me një plagë me armë zjarri në këmbë dhe ka marrë ndihmën e nevojshme mjekësore. Ai është pyetur nga Policia e Tiranës, por nuk ka pranuar të bashkëpunojë”.
/GazetaReforma.com/
