Seanca për ish-kryebashkiakun e Himarës, Jorgo Goro, dhe dy ish-zyrtarët e tjerë, që ishte parashikuar për të mërkurën, dështoi.
GJKKO ka dënuar mbrojtësin e Vezir Gjikokës me gjobë prej 10 mijë lekësh, për shkak se ai nuk ka informuar për seancat e tjera dhe ka pamundësuar paraqitjen e tij.
Gjyqtari Ardit Mustafaj caktoi avokatë të rinj për të pandehurit, duke emëruar Artan Simonin për Jerasimo Bashin dhe Pranvera Doçin për Vezir Gjikokën.
Seanca u shty për datën 12 mars në orën 11:00, ndërkohë që janë pezulluar afatet e paraburgimit për Jorgo Goron dhe masën “arrest në shtëpi” për Vezir Gjikokën.
