Situata e krijuar momentalisht në vend lë shumë vend për të dëshiruar për të gjithë ne, por mesa duket problemi është i shtrirë shumë më gjerë dhe mund të shfaq pasoja të pariparueshme.
Nga studio e Fax News, deputetja e Partisë Socialiste, Sendia Mesi, ka treguar sesi është të punosh pa opozitën, mirëpo gjithashtu ka thënë se janë në pritje të plotësimit të vakancave të krijuar në Parlament.
“Shpresoj që Parlamenti të kthehet në vendin ku partitë politike të debatojnë, kuvendojnë dhe shpalosin platformat që të bëhet më e mira për Shqipërinë. Po presim që të plotësohen vakancat që lanë ish-deputetët, jemi në pritje të betimit të deputetë të rinj për të arritur një normalitet si dhe për të arritur shumicën e cilësuar. Pasi kjo shumicë na duhet të për të votuar ligje të rëndësishme siç është Reforma në Drejtësi”.
Mirëpo duke përmendur edhe protestat e opozitës, Mesi ka thënë se ato janë një formë shumë e mirë për të treguar se një vend ka demokraci, mirëpo sipas saj Shqipëria po rrezikon integrimin në BE, pikërisht nga masat që janë marrë nga opozita dhe protestat që janë duke realizuar.
“Protestat e opozitës janë legjitime pasi janë shumë të rëndësishme dhe normale në vendet demokratike. Jemi përpara pritjes së përgjigjes për në Bashkimin Europian, por fakti që nuk kemi opozitën në Parlament, kjo na rrezikon integrimin në Bashkimin Europian”- u shpreh më tej Senida Mesi.
