Deputeti i opozitës së re, Halit Valteri akuzon ministrin e Brendshëm Sandër Lleshaj, si një kukull politike në postin që mban. Valteri hodhi akuza duke u shprehur se aty ligjin e bën Ardi Veliu.
“Është i vetmi që nuk merr vesh se ca ndodh në Policinë e Shtetit, është kukull, është njeri kot që merr rrogën kot. Ai që është në krye është Ardi Veliu”, tha Valteri në një intervistë televizive.
Ai deklaroi se PD-PS do të bëhen bashkë pas zgjedhjeve të 25 prillit.
“Trekëndëshi i djallit, Rama- Basha dhe Kryemadhi, po të pyesësh 100% shqiptar 99% nuk duan t’i shohin me shumë njëri është babai i korrupsionit tjetri djali i llastuar dhe nëna e korrupsionit. Bashkëqeverisje për t’ia futur LSI besoj se do të ndodhë pas 25 prillit, me idenë për t’ia futur më të korruptuarve”, tha Valteri.
Në zgjedhjet e 25 prillit, Valteri tha se, do të kandidojë në Tiranë.
“Nëse unë do kem mandat, unë do jem opozitë, edhe nëse partia ime bën koalicion me një nga këta të tre, unë do jem në opozitë. Unë do të kandidojë në qarkun e Tiranës. Lëvizja jonë ka një marrëveshje që është me lista të hapura. Kush merr një votë më shumë merr mandatin. S’ka rëndësi renditja në listë. Promovimin do e bëjmë aty ku kemi miq, familjarë të njohur dhe te ata njerëz që na kontaktojnë seriozisht. Ne punojmë çdo ditë, strukturat po shtohen. Njerëz të lirë e të ndershëm dhe nuk kemi ish-a. Janë njerëz të thjeshtë që te lagjja, fisi i tyre kanë respekt”, deklaroi Valteri.
/GazetaReforma.com/
