I Ngarkuari me Punë i ambasadës amerikane në Tiranë, David Wisner, theksoi se reforma në drejtësi është e pakthyeshme. Gjatë një aktiviteti për Ditën Kombëtare të Drejtësisë, Wisner nxitit klasën politike që të bashkëpunojë për të çuar përpara reformat kyçe drejt rrugës së Shqipërisë në Bashkimin Europian.
“Reforma në drejtësi dhe sukseset e saj janë të pakthyeshme,” tha Wisner. Ai kërkoi më shumë bashkëpunim midis grupeve politike, shoqërisë civile dhe të tjerëve për të çuar përpara reformat kyçe drejt integrimit euroatlantik.
Ai shtoi: “Shqiptarët dhe Shtetet e Bashkuara kanë besim se institucionet e drejtësisë do të kenë sukses në luftën kundër korrupsionit dhe krimit të organizuar.”
Wisner dhe ekspertë të fushave të drejtësisë nga Ambasada Amerikane në Tiranë morën pjesë në takimin e përbashkët vjetor të Këshillit të Lartë Gjyqësor dhe Këshillit të Lartë të Prokurorisë, bashkë me Presidentin Begaj, Ministrin e Drejtësisë Manja dhe figura të tjera nga institucionet e drejtësisë shqiptare.
