Para dy javësh, Shqipëria u trondit nga ekzekutimet makabre të vrasësit ‘serial’, Dan Hutra. Një ndër personat që Hutra kishte qëllim të vriste ishte edhe ish-bashkjetuesja e tij, Elena Hysa.
Ndërkohë që Erjon Hysa, burri i Hasime Dafkut e cila u vra nga Dan Hutra teksa ishte shtatzënë, ka reaguar në lidhje me masakrën. Ai thotë se “po të isha unë në shtëpi nuk do të kishte ndodhur kjo masakër”, pasi ndodhej në Gjermani. Ai ka humbur bashkëshorten. Sikur mos të mjaftonte vuajtja nga masakra që iu bë në familje, mbi të rëndojnë edhe akuzatnga familja e Hasime Dafkut, të cilët e bëjnë atë fajtor.
Pjesë nga intervista:
Erjon Hysa: S’ka fjalë… nuk ka fjalë, nuk di si ta përshkruaj
Gazetarja: Erion ju keni qenë në Gjermani në atë kohë ?
Erjon Hysa: Në Gjermani kam qenë se po të isha në Shqipëri…(hesht)
Gazetarja: Ju jeni vëllai që keni humbur dhe bashkëshorten?
Erjon Hysa: Po…
Gazetarja: Po ju e keni ditur që ky ka qenë një person problematik që e ka kërcënuar ?
Erjon Hysa: Po kush e ka ditur çfarë njeriu ka qenë ky, nuk e ka ditur njeri
Gazetarja: Unë dëgjova se ju tashmë keni probleme edhe me njerëzit e ish-gruas, të ndjerës
Erjon Hysa: Po (hesht)
Gazetarja: Po gjëndja e motrës dhe e nënës si janë ?
Erjon Hysa: Pak më mirë, kur të dalin ato do flasin, se ato e dinë më mirë
Gazetarja: Jam me familjen tuaj, jam me dhimbjen tuaj
Erjon Hysa: Faleminderit shumë!
