Identifikimi i rasteve pozitiv me Covid ka bërë të mundur mbylljen e Kadastrës së Sarandës. Sipas shifrave të Njësisë Vendore të Kujdesit Shëndetësor në Sarandë, kanë rezultuar pozitivë 6 persona ndërsa tre të tjerë janë të karantinuar.
Sipas NJVKSH puna në këtë qendër do të bëhet me personel të reduktuar dhe me masa të rrepta. Qytetarët nuk do të lejohen të hyjnë brenda ambienteve dhe do t’u shërbehet në hyrje.
Kujtojmë se për shkak të vtirusit është mbyllur dhe shkolla e mesme teknike “Frymë Dashurie”. Arsyeja ishte shkaku i rritjes së numrit të nxënësve të konfirmuar pozitiv.
Në ditët e para të shkurtit, pozitivë në Sarandë kanë rezultuar rreth 100 pacientë. Kryesoret në listë janë Tirana dhe Fieri.
Dje në Sarandë kanë rezultuar pozitivë 18 persona, 15 nga testimet e shpejta dhe 3 nga përgjigjet e ardhura nga Instituti. Po dje u shënua dhe numri më i lartë i infektimeve me shifrën rekord të 1007 personave të infektuar me Covid.
Edhe pse qeveria në masat e marra parandaluese nuk kërkon mbylljen e gjimnazeve dhe instuticioneve shtetërore, për shkak të të infektuarve brenda personelit janë mbyllur disa prej tyre.
Kujtojmë këtu shkollën e mesme në Vlorë, që u mbyll dje për shkak të infektimit të drejtorit, pesë mësuesve dhe tre nxënësve.
