Holanda futet në shtetrrethim për 5 javë për shkak të situatës sër rënduar nga pandemia Covid-19. Kryeministri i Holandës Mark Rutte, njoftoi dje qytetarët se vendi prej mesnatës do të futej në ndalim qarkullimi.
“Familjet do të lejohen të pranojnë vetëm dy vizitorë mbi moshën 12 vjeç në ditë, ndërsa mysafirët e moshës 12 vjeç e poshtë mbeten të përjashtuar. Një vizitor shtesë nga mosha 13 vjeç do të lejohet në prag të Krishtlindjeve, ditën e Krishtlindjes dhe në “Kutinë e Krishtlindjes” (Boxing day), tha kryeministri Rutte.
“Si kabinet, ne e kuptojmë se sa intensive është kjo që kemi bërë, sigurisht pak para Krishtlindjeve. 2020 është një vit zi, me humbje dhe hidhërimi për shumë njerëz”, deklaroi ai. Rutte vuri në dukje numrin mesatar të infeksioneve ditore, i cili të hënën arriti në 8,200.
Për shkak të kësaj, “Vetëm dyqanet për nevojat themelore do të mbeten të hapura, si: furrat e bukës, supermarketet, kasapët, pastrimi kimik. Dyqanet e mobiljeve, kopshtet dhe dyqanet elektronike, ndër të tjera, do të duhet të mbyllin dyert e tyre”, i tha dje pupullit kryeministri i Holandës.
“Ky është një mesazh i vështirë për sipërmarrësit. Do të ketë një paketë të konsiderueshme mbështetëse për të ndihmuar sipërmarrësit. Nga nesër deri më 27 dhjetor është e mundur të aplikoni për një subvencion”, shtoi ai.
Hotelet do të lejohen të qëndrojnë të hapura, por pa restorante ose shërbim në dhomë. Klientët e dyqaneve dhe bibliotekave do të lejohen, por teatrot, kazinotë dhe kopshtet zoologjike do të jenë të mbyllura.
Duke filluar nga e Mërkura, të gjitha shkollat në Hollandë do të mbyllen. “Deri në 18 Janar, arsimi në distancë do të bëhet normë. Ky është një vendim radikal, por i pashmangshëm. Përjashtimet zbatohen për studentët në vitin e tyre të fundit dhe studentët që kanë nevojë për ndihmë shtesë. Kjo vlen edhe për fëmijët me prindër me profesione jetësore”, deklaroi Mark Rutte.
/GazetaReforma.com/
