Kreu i Komisionit Qendror të Zgjedhjeve ka publikuar numrin e personave që do të votojnë për herë të parë në zgjedhjet e 25 prillit. Në një postim në rrjetin social Facebook, Celibashi ka bërë me dije se 107 024 persona do të votojnë për herë të parë në këto zgjedhje parlamentare.
Postimi i Celibashit:
107,024 të rinj do të votojnë për herë të parë në 25 prill 2021.
KQZ mbështet CoE Office in Albania dhe Akademia e Studimeve Politike në fushatën informuese për të rinjtë që votojnë për herë të parë në zgjedhjet për Kuvendin e Shqipërisë.
Në 25 prill mbahen zgjedhjet e radhës parlamentare në Republikën e Shqipërisë, ndërsa në garë do të jenë 12 parti/koalicione dhe në disa qytete do të ketë edhe kandidatë të pavarur. Partia Socialiste kërkon një mandate të tretë dhe do të jetë në fletën e votimit me numrin 12. Nga ana tjetër Partia Demokratike kërkon të fitojë zgjedhjet pas 8 vitesh në opozitë dhe do të mbajë numrin 9 në fletën e votimit. Fushata elektorale ka nisur zyrtarisht që prej 25 marsit, ndërsa partitë kanë paraqitur edhe premtimet e tyre në takimet e herëpashershme me qytetarët. KQZ vendosi se kandidatët në fletën e votimit do të shënohen me numra dhe jo me emra, propozim të cilin e kishte paraqitur PS.
