Çarja në pushtet ka filluar; Mos ia falni shpëtimin me kaos!

Largimi i një deputeteje nga grupi i Partisë Socialiste nuk duhet parë si lajm i vogël.

Në një sistem ku pushteti mbahet me numra, frikë dhe disiplinë partie, çdo çarje ka peshë. Ajo tregon se presioni i sheshit nuk është vetëm moral. Është politik. Po prodhon lëvizje brenda vetë strukturës së pushtetit.

Por pikërisht këtu protesta duhet të jetë më e kujdesshme.

Nëse pushteti po fillon të çajë, protesta nuk duhet t’i japë mundësinë të shpëtojë duke thënë: “shikoni, këta janë të paorganizuar, të rrezikshëm, të papërgjegjshëm.”

Rama nuk mund të mposhtet vetëm me numër.

Mposhtet kur numri bëhet presion i qëndrueshëm.

Kur presioni bëhet kërkesë.

Kur kërkesa bëhet krizë politike.

Kur kriza politike prodhon çarje.

Ne nuk ndalemi.

Ne nuk dhunohemi.

Ne nuk kapemi.

Ne nuk ndjekim ish-deputetë, parti, podiume apo figura të vetëshpallura.

Ne rrisim presionin derisa sistemi të mos ketë më numra, as moral, as alibi.

Protesta nuk duhet të sillet si fituese e dehur.

Duhet të sillet si forcë që e di se është afër pikës së thyerjes.

Nesër më shumë!