Sipas të dhënave të projektbuxhetit për vitin 2021, rreth 102 milionë lekë do të shpenzohen për pajisje zyrash dhe orendi. Ndërsa vendi po përballet me krizën e rëndë që ka shkaktuar situata e Covid 19, qeveria planifikon shpenzime luksi.
Sipas ekspertit Pano Soko, jo vetëm Ministria e Brendshme, por të gjitha institucioneve financiare, nga Ministria e Ekonomisë dhe Financave e deri edhe tek qeveria, duhet të kursejnë këto fonde.
“ Mund të ishin kursyer. Janë 1 milionë dollarë. Këta duhet të jetojnë me situatën. Ato pajisje dhe orendi zyrash, nuk e di se kujt zyre do të jenë, normalisht që duhet të anulohen. Nëse nuk ka një institucion të ri që nuk duhet pajisur me zyra dhe orendi, atëherë të gjitha institucionet ekzistuese, le t’i mbajnë këto pajisje dhe orendi që kanë, edhe për këtë vit. Sepse jemi në një situatë të keqe”, deklaron kreu i BIsmës Thurja, Pano Soko.
/GazetaReforma.com/
