Edhe pse jashtë ministrisë, Ditmir Bushati vazhdon punën e tij si kryetar i delegacionit Parlamentar të Shqipërisë në OSBE.
Bushati tashmë ish-ministër për Evropën dhe Punët e Jashtme është duke marrë pjesë në punët e Asamblesë Parlamentare të OSBE-së që janë duke u zhvilluar në Vienë.
Gjatë takimit janë diskutuar edhe përgatitjet e Shqipërisë për drejtimin e OSBE-së gjatë vitit 2020 dhe sfidat me të cilat do të përballet kjo organizatë.
Bushati gjithashtu ka zhvillua edhe një takim më Sekretarin e Përgjithshëm të OSBE-së, Tomas Greminger, ku përmes një statusi në rrjetin social Twitter, ka thënë se nga ky takim ka arritur të nxjerrë një mesazh të fortë për klasën politike shqiptare.
“Ndërsa Shqipëria përgatitet për kryesimin e OSBE-së në vitin 2020, është e një rëndësie të veçantë vendosja e interesit kombëtar mbi politikat partiake për këtë përgjegjësi të rëndësishme politike dhe diplomatike që kemi përpara”, shkruan ai.
