Teksa pretendohet që drejtësia të veprojë me ‘dorë të hekurt’ ndaj aferave korruptive të drejtuesve të institucioneve në vend, ndeshemi me një marrëdhënie ‘qokash. Këtë praktikë e ka ndjekur edhe ish-kreu i SPAK dhe një nga prokurorët e këtij institucioni, Arben Kraja.
Entela Lleshi-Kruja, mbesa e zotit Arben Kraja është punonjëse e bashkisë së Tiranës si përgjegjëse në sektorin e prokurimeve publike. Ndërsa, Edlir Kruja rezulton të ketë qenë jurist pranë Drejtorisë së Përgjithshme të Rrugëve dhe Ndriçimit Publik, një institucion në varësi të Bashkisë së Tiranës.
I pyetur nga”CNA”, Kraja mohoi se në këtë mes ka konflikt interesi, pasi të afërmit e tij ishin pjesë e institucioneve para se ai të merrte pozitën.
Gjithashtu, Arben Kraja theksoi për se ai nuk ishte në konflikt interesi, sepse nuk kishte pasur asnjëherë asnjë dosje në lidhje direkte me hetimet për Bashkinë e Tiranës. Ndërkohë që mësohet se Arben Kraja ka dhënë dorëheqjen nga hetimi për inceneratorin e Tiranës. Dorëheqja e Arben Krajës do të thotë më shumë zvarritje të çështjeve të rëndësishme, duke vonuar përballjen e “peshqve të mëdhenj” me drejtësinë, ku përmendim kryeministri Edi Rama apo kryebashkiakun e Tiranës Erion Veliaj.
Ky nuk është rasti i vetëm, disa prej prokurorëve kanë në dorë dosje që i lidhin ata drejtpërdrejt me familjarët e tyre të strehuar në institucionet publike
