Një nga çështjet më të nxehta sot në Bashkimin Evropian dhe në Britani padyshim është Brexit. Ndërkohë që data e madhe po afron, britanikët kanë zgjedhur të bëjë edhe një lëvizje tjetër të madhe.
Tashmë në Britani është çelur një peticion online dhe këtë herë është ngritur për bllokimin e largimit të Britanisë së madhe nga BE.
Deri më tani peticioni ka mbledhur plotë 3.5 milionë firma, ndërkohë që presidenti i Këshillit Europian, Donald Tusk duket se nuk i ka humbur shpresat dhe thotë se deri në 12 prill mund të ndodhë çdo gjë .
Kjo shifër padyshim është e jashtëzakonshme duke marrë parasysh se peticioni ka vetëm tre ditë që është bërë publik dhe nuk dihet se cili do të jetë reagimi i parlamentit pas marrjes së rezultatit final të tij.
Nëse në referendumin e madh të bërë në Britani, qytetarët vendosën pro Brexit, mesa duket sot pasiguritë janë shtuar dhe preferojnë më shumë të jenë të sigurt, sesa të vuajnë një kolaps të mundshëm ekonomik.
Ndaj të ndodhur para këtij fakti, Parlamenti do duhet ta diskutojë edhe një herë dhe kjo për arsyen sepse janë plotë 3.5 milionë persona të cilët shprehen tashmë kundër Brexit dhe që një çështje të kalojë në këtë institucion do minimalisht 100 mijë firma, gjë që e shpjegon natyrshëm se largimi apo jo i Britanisë do të rikthehet për të disatën herë në tryezë.
Ndërkohë që edhe Donald Tusk, shprehet se largimi i i Britanisë së Madhe nga BE është në dorë të qytetarëve britanikë.
