350 të vrarë është bilanci i viktimave izraelite që kur Hamasi nisi sulmin e tij të shtunën bëjnë me dije Forcat e Mbrojtjes së Izraelit.
Ndërkohë që nga krahu tjetër mbi 400 palestinezë janë vrarë dhe rreth 2,000 janë plagosur në Gaza nga sulmet ajrore hakmarrëse izraelite.
Në një konferencë të dielën, zëdhënësi i IDF-së, adm. Daniel Hagari tha se prioritetet tani ishin përfundimi i luftimeve në komunitetet izraelite dhe kontrolli i thyerjeve në gardhin që ndan Gazën dhe Izraelin.
Dhjetëra persona të armatosur nga Gaza depërtuan në komunitetet jugore izraelite pas agimit, raporton BBC.
Ata kanë marrë peng ushtarë dhe civilë izraelitë dhe disa i kanë çuar në Gaza.
Izraeli është përgjigjur me një valë sulmesh ajrore në Gaza ku mbetën të vrarë mbi 400 palestinezë si dhe 2000 të tjerë u plagosën, thonë mjekët.
Më shumë se 400 militantë palestinezë janë vrarë në jug të Izraelit dhe në Rripin e Gazës dhe dhjetëra të tjerë janë kapur, sipas zëdhënësit të IDF, Daniel Hagari, cituar në Times of Israel.
“Që nga kjo orë, ka forca që luftojnë në [Kibbutz] Kfar Aza, ka kërkime në një numër të madh qytetesh. Ka forca IDF në të gjitha qytetet, nuk ka qytet që nuk ka një forcë IDF në të”, citohet të ketë thënë ai.
