Lideri i opozitës Sali Berisha ka marrë pjesë këtë të enjte në një takim elektoral në Valias të Kamzës, dhe në fjalën e tij nuk ka kursyer sulmet ndaj kryeministrit Rama për deklaratat e tij në lidhje me Serbinë.
“Është një argat shpifur i Beogradit. Serbia e ka fatin të lidhur me Rusinë, nuk do rrimë pas bishtit të Serbisë ne. Të dëgjosh kryeministrin shqiptar të thotë se nuk ka kuptim anëtarësimi i vendit të tij pa Serbinë është habi. Nuk ka interesa shqiptare, por vetëm anti-kombëtare. Ju e keni shumë të qartë se çfarë përfaqëson ai për veriun. Unë u them se pas Enver Hoxhës, Rama është armiku më i egër ndër shekuj për veriun. Nuk ka njeri që ka urryer veriun dhe veriorët si Edi Rama. Një racist i shpifur dhe natyrisht racizmi i tij ndaj veriut ka rrënjë kryekëput anti-shqiptare. Rama erdhi me dajre dhe vit pas viti duke dhunuar të drejtat tuaja dhe ligjet e vendit, ai mori në dorë gjithë pushtetet.
Sot ai ka çdo pushtet në duart e tij dhe e përdor atë pushtet tërësisht për të larguar shqiptarët nga vendi. Është vendimtare që të largojmë Edi Ramën nga pushteti. Edvin guxo se ti ke çdo gjë përveç burrërisë dhe trimërisë. ai kërcënon se do shkelmojë kushtetutën dhe nuk do japë fonde. Nuk do japësh fonde se do marrësh qatë që meriton. Sillesh si despot dhe përdor gjuhë halabaku. Në fund të fundit je një bastard i xhelatëve të shqiptarëve. Miqtë e mi, rivendosja e pluralizmit në qeverisjen vendore ha[ dyert për largimin e shpejtë të pashmangshëm të Ramës nga pushteti. Ai e ndjen dhe dridhet nga kjo”, u shpreh Berisha.
