4 shqiptarët Armand Cuni, Mario Kelmendi, Fatjan Sopi dhe Rudenc Medolli kanë dalë ditën e sotme para Gjykatës së Romës, pasi dyshohet se janë marrë me trafik të lëndëve narkotike në vende të ndryshme të Europës, si në Shqipëri, Itali dhe Belgjikë.
Të rinjtë u arrestuan disa kohë, pasi u kapën në flagrancë tek transportonion lëndën narkotike, ndërsa sot u vendos që gjyqi do të vazhdojë gjatë verës.
Armando Cuni konsiderohet si ‘koka’ e bandës, ndërsa të tjerët janë pjesëtarët, të cilëve iu ishin ngarkuar ‘detyra’ të ndryshme.
Për shkak të gjykimit të shkurtuar, të akuzuarve do iu ulet një e treta e dënimit, sepse ata pranuan fajin.
Kjo bandë ka qenë për muaj të tërë nën vëzhgimin e Drejtorisë së Antimafias së Romës, ndërsa anëtarët u arrestuan në 13 qershor 2019 nga karabinierët.
Shqiptarët kishin bashkëpunuar me 8 shtetas të tjerë , 4 prej të cilëve janë lënë në ‘arrest shtëpie’.
Sipas akt-akuzës, trafikimi i drogës bëhej nga Shqipëria, Toskana e më tej drejt Belgjikës, teksa lënda narkotike paketohej dhe fshehet më së miri në doza për t’u shitur me pas përdoruesve.
Kujtojmë se në një raport të publikuar në fund të 2019 Ministria e Brendshme italiane informoi se grupet kriminale shqiptare janë ndër më aktivet në vendet e huaja dhe se Shqipëria cilësohet si vend tranzit i heroinës nga Azia Qëndrore dhe Afganistani drejt tregut të Europës Perëndimore.
Më tej, në raport thuhej se përveç trafikut të drogës aktiviteti kriminal shqiptar është përfshirë dhe në aktivitetin e prostitucionit e në krimin ndaj pasurisë si grabitje të dhunshme, kërcënim e zhvatje.
Mafia shqiptare ndër më të rrezikshmet në nivel ndërkombëtar! Shqiptarë bëjnë namin nëpër botë
